3rd pregnant (10 -12 week)

07-May-2017 (12week 6day)

昨晚拎返部胎心機出來，好快已經聽到小辣雞翅嘅心跳💗  而家可以每日聽下，放心 d

個人潮熱明顯左，但開冷氣又怕凍😣

胃口已經回復正常，但仲會時不時反胃作嘔，人仍然好易攰，企/ 行耐左都要瞓低抖下，仲會聽到自己心跳好快。

肚圍有31寸，明顯有個小肚仔了，我自己冇咩重過，99.2lbs

28-Apr-2017 (11 week 3 day)

剛去完劉子健醫生到做 nifty, 連稍後照結構共 $8,000 💸💸💸

醫生先照超聲波，頸皮薄的，有鼻骨，手、腳、心都正常，生長正常。我有問醫生bb 性別，但由於太細粒，醫生只說係仔嘅機會較大。 Nifty 報告都會講，但只有98%準。

呢個星期胃口好左，都攰，但冇早排咁誇張，仍有少少反胃。

22-Apr-2017 (10week day 6)

昨日再睇知梓中醫，諗住清埋感冒嘅尾巴，醫師睇完症話我bb 好大機會係男b, 跟住又補充佢自己未睇錯過🤔，搞到我好想快d 知bb 性別👉🏼👈🏼

今晚終於第一次嘔，堅係嘔，好辛苦😿

我同爸爸都話呢隻辣雞翅好曳呀😆

18-Apr-2017 (10week 1day)

剛過了復活節，全家也病了，我本來有好轉，但因假期2日冇藥食，又惡化返，咳到嘔，仲有輕微偏頭痛發作（唔覺有先兆，但左邊風池穴至耳上方一帶痛左成晚，痛楚情度算輕）😭。 老公都病得好犀利😔

好在 drey 好返9成

睇左新中醫，假期前佢第一次見我，把脈後都話bb 脈好靚，仲話已知性別（但又唔肯講），今日覆診，bb 脈都係靚，但我就勁辛苦。

今次作嘔得好利害，雖然都只係吐d 口水泡同痰，但都夠辛苦了😭

我地遲今日簽左租約，會搬去宇晴軒3房，都有d 緊張咁多野要搞，希望身體支持到💪🏼

3rd pregnant (4 -8 week)

04-Apr-2017 (8 week) 

比 Drey 傳染，又咳又喉痛😭，睇左醫生，希望快d 好。

呢2星期都仍然好攰，胃口麻麻。雖未至於嘔，但好反胃。星期一至五返工勉強捱到，星期六、日就攤屍，瞓足全日😣。

下星期一再產檢，我仲未去廣華登記😳

25-Mar-2017 (6 week 4 day)

去左蕭醫生到檢查，排第一都等左個多小時😵。 由於肚照唔到，都要陰超，醫生好快就搵到胎位置，再放大就見到心跳，已經聽到心跳聲😍。 BB 而家得3.3mm , 醫生話預產期係11月14日。

我自己就100.6lbs

我今次有book 埋 張國良醫生，因為平，想慳d $$. 但產檢要排到5月19日😅

呢幾日勁攰，日瞓夜瞓，沖涼都冇力，頭暈暈又反胃😵

14-Mar-2017 (5 week 2 day)

Check 到 bingo 已有一星期，我再買了綠d, 想在產檢前看看有冇加深，昨日驗的很深色😃

今日下午 poo poo 時有點吃力，見到少少粉紅，回家後就有較大撻粉紅血加分泌，晚上亦有小量帶血分泌，有點點擔心

作嘔感覺間中出現，但心跳加速、易累仍然非常明顯。

06-Mar-2017 (4 week)

上個月 m 係 06-Feb, 20號排卵，因為2月得28日，所以正常我應該 06-Mar 來 m.

到排卵後 8-11、12日都見到著床出血（其實我m 前向來都有流啡，所以都係估下估下），但2月尾嘅嗰個星期已經有反胃，同埋著床嗰時開始個人突然好攰，同感冒有d 唔同，所以我形著係 bingo. 

直至昨日 同 今日 due day, 只見淡黃分泌，而我仍一直有作悶想嘔、好眼瞓嘅感覺，已經覺得自己有左🙊

今朝買左曼秀雷敦棒棒驗，條線都好明顯啊 😊

而家下一關係 7-8 week 照閃閃，希望一切順利 🙏🏼🙏🏼🙏🏼

2nd pregnant :) (week 4~5)

27-nov

半夜feel 到有血，一去廁所，整個馬桶染紅，肚一直有輕微m 痛，我好驚。。。

早上8:00 就去廣華急証，上左病房，實習醫生幫我用鉗 check 下身，已經見到好多血。 之後再等左一陣，巡房醫生照陰超，見唔到胎，小便都驗唔到有孕。。。

醫生話已經流產，胎都流埋所以咩都唔使做，我抽完血就出得院。

好難過。。。。

25-Nov-2015

上次 M 係 22-Oct, 我地咁啱在排卵期做做，（當晚我用紅d check 有深線， 隔日仲有少少血～排卵出血？）所以形住會中，但期間於11月16,17 號又見到一pat pat 啡色分泌，所以以為m 到。

到20號都冇來，我開始用綠d 驗，但條綠好淺，直至23號都係淺，我放工去診所 check,醫生支棒都係淺線，但佢 confirm 我 bingo.

其實由 17 號開始，個人已經好攰，仲有d 作嘔，但又見有啡，都唔知想點 😭

24號已經有暗血，其實係血來，都一大pat 😔，所以今晚要睇中醫調理，希望保得住。

家麟

08-Jun-2014
晚上7點多，亞爸打來， 說家麟同意再試試食藥，但食左15分鐘，就開始過敏，同果朝情況一樣 >.<

慘慘麟

就係呢隻藥 LEVOQUIN 205 MG (Levofloxa)

其實第一次入瑪嘉烈(30號張偉祥開比佢食感冒那次), 都係食左呢隻藥！！！！！不過唔知點解過敏反應唔同

07-Jun-2014
一早扎醒就心急打比大人，想知佢情況。 一聽到佢把聲精神好多，我好開心：)

佢話好返好多，但仍有頭痛。我都放心好多。

不過我自己今日好忙，又執好哂d files,  整炒米茶，清下雪櫃。 整完已經好累，但又要落樓㩒$ 整窗花。 咁我咪順便食埋 tea lor,  可能餓得濟，一下子食得太急，返到屋企都覺得唔係好妥。 上床瞓左一陣，又夢見佢同佢 ex :'(

跟住一醒已經全身出左汗同埋右邊有輕微偏頭痛。 好彩好輕微，都冇嘔，我攤左2,3個鐘都仲有d 痛， 但都坐左出廳睇下電視，費事亂諗野，又好dd。

06-Jun-2014
早上老公都冇咩異樣，仲換好衫打算返工。，但著鞋時突然很辛苦。 佢形容d 血管"拿"住，麻痺，上半身同頭都好辛苦。

頂左 1 小時，要 call 白車。 但白車只可送去明愛，我地只好搭的士去瑪嘉烈。

直至傍晚，老公一直未有好轉，而浸會又冇位，政府醫院環境太差，醫生又太young,  經驗不足。 我好擔心佢，我今朝見佢佢痛得好辛苦， 都忍唔住喊了。

如果可以，我寧願係我病，都不要看著他難受。 老公，我好愛你，你要快快康復啊。

05-Jun-2014
今日出得院了 :)

我放工回家，見到老公都好精神，但因為食左藥，個人有d 腫， 面圓圓好可愛。

01-Jun-2014
因為佢心率不正常，所以入左icu, 我聽到 icu 覺得好驚，好驚佢有事， 傍晚時佢爸爸同家姐上左來，話老公今日精神好好多，冇發燒，放藥後心率已正常返(要插頸喉，好可憐).  希望老公快d好返。

30, 31-May-2014
今日好忙，下午請左假覆診，咁啱老公都要覆診， 我地就約左1點在佐敦等，先睇佢個內科醫生。 之後3點半就到我產檢。 最後5點半佢要睇埋血科。 中途佢仲去左買鎖，血科醫生又等得耐，佢成8點幾先回到家。

晚飯後佢即刻食藥(有d 感冒), 點知一食完，就藥物敏感全身痕 :(

再過一陣仲開始發冷，跟住發燒。。。。

零晨12點幾，佢自己覺得唔對路，要去浸會，佢唔比我跟去。 但浸會好爆，冇床位，佢焗住返屋企。 但keep 住好辛苦發冷發熱。 本來諗住捱到張偉祥10點開診，再睇下有冇辦法拎到床位。 但早上7點幾，佢頂唔順要去急証(瑪嘉烈).

由於約左9點搬屋，所以我要留在家中打點。 聯絡到佢爸爸，佢會去醫院陪住老公，我先放心d.  

搬屋公司好快手，唔使一個鐘就搬好，之後佢爸上來，話左比我知佢個情況，9點已經上左病房，打緊抗生素，但仍然有發冷發熱。 我知佢情況，心都定d.

我自己都徹夜未眠，都好累。 但床褥同 bb car seat 又要送貨，仲約左業主果邊4點交樓。 好彩家姐姐夫得閒過來陪我，唔使一個人咁驚。

Step 都來幫我執屋：')  好感動！

25-May-2014
今日終於出院了，淋巴同骨髓報告都冇事 :)

住了兩星期，老公人也累了。 而我終於知道個病叫"菊池病", 係一種好罕有嘅病。

19-May-2014
今日因為送檯，要回家接收，所以去唔到醫院。

上午同放工都同大人通過電話，之後我收完貨，食飯後再whats app 問佢淋巴報告，佢就冇覆過我，打左幾次比佢都唔聽，我好擔心啊 ,又唔知佢身體情況如何，有冇胃痛發燒，燒成點。。。。。。 :'(

18-May-2014

老公 12號入左醫院。其實入院前的一星期，已經晚上有發燒發冷。 只係新屋仲有好多手尾，佢唔想我辛苦，就搞埋先入院。

入左院之後，開始發燒密左，一日4次，仲燒到40.7度。

醫生到目前為止都未揾到病因，做左一d 檢查，又抽左淋巴化驗(明日有result)

老公今日好辛苦，個胃唔舒服，有噁心又完全食唔落野，只係飲到維他奶。 個人好水腫，睇到佢辛苦，我好心痛，眼淚都滴出來了 :'(

希望佢快d好返。

Pregnant - 8 to 15 week

23-Dec-2013

放工後去機場，出發去德國同奧地利了！

都擔心小b 健康，所以出發前買左個二手胎心機，等我每日都可以聽下小 B 心跳

早幾日收到部機，試聽一下，初初真係比較難揾到，聽唔到會好心急，之後熟習左就好好多：)

老公同我一齊聽，佢都好開心 :)

--------

搭左12個鐘機，終於到達德國，可能有左小b, 所以我個人好累，在機上睡得好多 :)   

整個 trip 都好輕鬆， 行一陣就會坐低休息一陣。但可惜天氣唔太好， 好多日都陰天有雨，尤其是上新天鵝堡𠴱日，好凍又落雨雪， 濕濕的又冇巴士， 好在上山那程都可以坐馬車， 但回程要行落山， 仲要天黑哂， 都幾驚，好在項得住。 

整個 trip 最唔慣係水同食物， D 自來水有味，所以買水飲， 但樽裝水都係礦泉水，有D又有氣， 好難買到好味水！食物方面， 好鹹， 鹹死人。成個 trip 都食呢D 野， 好驚鹹親小B啊  >.<

希望有時間同心機寫返個 trip 嘅 blog :)

22-Dec-2013（冬至）

同老公倆口子食王家沙做冬，好 sweet 啊：),  之後去左聽 joey 演唱會，其中快歌環節 d 音樂好勁，我心都感受到 噗噗響，好驚會嘈親小 b 啊 :(

08-Dec-2013

今日老公生日， 但我一早應承去 Paddy BBQ 聚會 + 赤柱畢業相。老公都有來 BBQ， 但佢唔開心我冇陪佢好好晚餐慶祝。最後我地買左和牛同生蠔在家晚餐 ：）

01-Dec-2013

今日畢業禮，辛苦了5年， 終於取得學位一個，是 seond upper hons， 都算對得住自己了！

畢業禮在將軍澳 IVE 舉行， 老公陪我去， 又送花比我 ：）不過因為太偏遠， 時間又晏，所以我都冇叫家姐， 約左佢同 Step 7號去荔枝角公園影相。

今日就只叫左 Fiona 來 ：）因景好少， 影左幾張咋，佢又帶公仔又借白恤衫比我， 太好人了！！

11 to 12 Nov-2013

昨日開始返工了，呢幾日都冇紅冇啡，而家心情正常，只希望小b平平安安。

8 to 10-Nov-2013 (8wd1 to 2)

踏入第8week,  已經食左兩星期中藥，好像開始見效，這幾天沒有血了，只有很淡的啡。 今天還是清清的 :)

作嘔的感覺好强勁，昨晚還吐了一口胃酸出來。。。

食慾也不好，盡量少食多餐。 便秘已見，要食西梅乾才有便便，但唔食就3,4日都唔會有便意，亦不會肚谷谷，好奇怪！

Pregnant - 6 to 7 week

5-Nov-2013

上次廣華覆診到今日， 一直都繼繼續續有啡。。。

今日去蕭醫生到檢查，因是 waiting list,  所以等得特別耐，等左2個鐘頭 20 分先見到醫生。 

醫生手勢好好，陰超冇不適 :)  bb 大細同心都正常，仲比我聽埋心跳聲，好開心 :)

因為仲有少少血水，醫生都話作小產，要食藥。回家後就有 1 pat 暗紅。

如果要開刀生，大概7萬左右。

30-Oct-2013

今日好特別啊，到廣華覆診，讓我第一次見到小B心跳 :)  我初頭見唔到架， 醫生加左藍色閃光效果，就見到了 ：） 真係閃閃下架！但廣華冇得比返張超聲波相我。

不過超完陰超，又見暗紅。。。

29-Oct-2013

這幾晚都是半晚4點左右醒了就一直睡不著。。。還好今天只有啡冇紅。。。

28-Oct-2013 

好彩家姐上來煮食物給我，還買了水果乾糧 :)

那個肉片豆苗通粉好好吃 :)

整日啡很少，未知是否中午的西梅吃多了，晚上整肚子屁屁，最後上便便時見紅，但沒昨晚的多。。。。

27-Oct-2013 (6W2D) 

家麟今日出發去 USA 工幹，一早就出發了，好唔捨得啊，仲要去成4日咁耐，我同 bb 會好掛住啊。

今日繼續食中藥，仍有少少啡，但明顯改善了。 加油啊！！！

大部份時間都瞓，都有在梳化睇電視，而且精神不錯，還煮到飯 :)  點知食完飯，晚上又見暗紅，真係好傷心。 唯有叫 小 b 加油，mama & papa 愛你啊！

26-Oct-2013 (6W1D)

昨晚特意食了安胎藥，會使人昏睡的，今早起來血量少了，而且是淡紅，像是昨晚餘下的。 今日會一直在床上休息了。

中午，打了電話比李醫師，佢好快就覆我電話。我將呢個星期嘅情況話佢知，佢就開左藥比我安胎，家姐幫我去荃灣攞，j 晚上再去家事姐到拎。 藥唔難食，希望幫到 bb 穩定 d :) 

25-Oct-2013 (6W)

害喜癥狀很明顯了：

～時有想嘔的感覺，可能又食緊抗生素，個胃又傷D。
～不時都覺得疲累，有時候累得要立即上床卧著。
～但睡得不好，晚上總會醒，一醒了又良久都再不能入眠。
～尿頻 ﹣﹣ 這應該與喝多了水有關！

今日仍然有流啡，下午2點及6點，最令人害怕的，還是晚上10點幾，直情流血。。。 量都不少，有半片護墊左右，由於是鮮色，量也多，真令人擔心：(

老公有問我要否去急症，我累得一兩步也不想行，且看看明日會否好轉。

Pregnant - 4 to 5 week

25-Oct-2013 (5W 6D)

因為仍擔心宮外孕，唔想等到 30 號 check，所以約左另一位馮樹明醫生檢查（其他想睇的醫生都好爆，D姑娘叫我急就去急症 wor!)。今次家姐陪我去，約左 2：30pm，又係唔使點等，3點左右就到我， 我冇同醫生講之前的經歷，所以醫生就作正常檢查，不過馮醫生冇問我同老公嘅病史。

先照肚，但因為我剛到診所時留了小便，不急，所以肚照只照到胎襄陰影。醫生提議陰超或出去再飲多D水， 急時再肚照，我又唔想等，同埋問左醫生照陰超對小B沒有影響，就照陰超吧！醫生好快照到胎襄，我好開心啊！！胎襄有 0.81cm，未見胎心，醫生話99﹪唔係宮外孕，但子宮內有少少血，胎仍是不穩，要多休息。如果小B健康成長，約 2 星期後會見到閃閃 ：）  小B 要加油啊！！

馮醫生同醫院醫生都話我子宮後屈（葉醫生提都冇提過），天生的。。。

呢個醫生都幾貴，承惠＄900大元！

22-Oct-2013 (5W 4D)

整晚睡不好，本身很累，但每次睡著，姑娘便會入病房幫其他病人檢查，好光又嘈。。。

早上9點幾，第一位醫生來病房，係個好細個嘅男醫生，由於佢叫我下午可出院，老公知道後覺得佢信唔過，所以叫我同姑娘講約家屬要見主診醫生。

約半小時後，有另外一個年長女醫生再來巡房，同埋昨晚年輕女醫生一齊，佢地都唔係主診醫生。 佢再睇我 record, 佢都認為昨晚年輕醫生看到的是tiny 胎囊，而我hcg 數值都唔低，屬正常 range，所以應該係宮內孕。 建議一星期後再照陰超。 我問點解會痛同有啡，佢話係早期懷孕症狀。我問佢使唔使再抽血睇 hcg 數值，佢話見我嘅資料冇不正常，而胎囊要多些時間生長，所以唔屬於太擔心個案，暫時不需抽血。。。

我隔離女仔 6 week, 之前試過宮外孕，而家 hcg 5000, 又係照唔到胎囊，已抽了幾次血，醫生建議佢照腹腔鏡。

所以我好希望我係宮內孕。

接著顧問醫生來了，都係話我可以下午出院，佢邊 study 我個 file, 邊教第一次入來個新仔，所以寫得好指細。

佢話我個hcg指數高，過萬，所以宮外孕機會唔大

而家胎囊細，佢話如果繼續長，都冇問題。

家姐中午來了探我，帶了些日用品給我， 之後j 也來了陪我午餐，我胃口好好，成個醫院餐食哂，仲食埋j 買比我下午茶個菜肉包！！！

之後覺得好暈，好攰，就瞓左。 4 點左右，病房高級醫生巡房，都係比我走，佢話現在未能排除宮外孕，所以我一肚痛或流血多過半塊 m 巾，要即刻入院。。。 姑娘幫我約左 30 號覆診。

21-Oct-2013
  (5W 3D)

今朝一早9點去左化驗所抽血，回家瞓左一陣，12點15分，診所就打電話來，報告出了，數值不理想，所以結果是：宮外孕或已小產。

當然想向醫生問清楚，所以約了下午4點50分見醫生。 我們都比預期早到，亦不需等太久。

這次醫生拿出模型解釋，根我在網上搜尋的資訊一樣，下一步要去照腹腔鏡。由於我兩日的指數有升，只是未付正常升幅，所以死胎或流產機會不大。 醫生都建議立即去急証室，畢竟在醫院是較安全。

出門口時去小便，感到赤痛，所以順道驗埋小便，又係尿道炎。。。

等攞藥等左近 2 小時， 之後直去急証室，每當醫護人員問我"係咪第一胎，自然有定人工，預產期幾時。。。" 我d 眼淚就 巴巴聲咁流。：'( 完全唔使等，直去分流，見急証室醫生，再上房。 病房醫生先幫我檢查，由於之前葉醫生叫我唔好食野飲水，我都肚餓，加上冷氣凍同好驚，我個人一路顫抖，醫生不時問我係咪唔舒服。 醫生都有用陰超照，佢話我應該係宮內孕，因佢見到 tiny 胎囊， 而且我子宮壁好厚，唔似宮外孕。 我好開心，個人即時放鬆左，連身體都暖返，沒再顫抖。 我隨即問醫生，咁個指數升得唔差，bb 係咪唔健康，佢即時反應係：你個數 ok wor, 唔差呀！ 我當然好想一面倒相信佢，但葉醫生又咁權威，點好呢。。。

20-Oct-2013
 (5W 2D)

上網看了很多 5週都未照到胎襄嘅 case， 雖然好多媽媽都話太細未照到，之後就會照到， 但我同樣睇左好多關於宮外孕的資料，睇到心驚膽跳，因為如果真宮外孕，好大機會要切輸卵管，如果個胎在輸卵管爆左，就會大量出血，好危險。。。。

唔知係咪心理作用，我今日覺得左邊腹有D 隱隱痛，我真係好驚 :’(

老公呢幾日好好， 買餸煮飯洗碗都做哂，

19-Oct-2013
 (5W 1D)

一早老公幫我去廣華排隊，諗住要等好耐，所以佢話差唔多到先打比我。點知佢去到冇耐就打來話冇咩人排，所以我就即刻出門口。 去到其實根本唔使我去都得咁。 但總算攞左覆診日期 ﹣﹣12月做唐氏， 1月檢查。

之後回到屋樓下，只係食左早餐同去超市，已經好累。 回家又見到少少啡。休息一早就出發去見醫生。

去到又係唔使點等，好快就可以見醫生。我地今日睇的是葉承楷醫生，老公在診所閱讀懷孕資訊時，發現好多報章訪問都係業醫生寫的！

葉醫生都好細心，問左好多病史，之後我話見啡，佢就幫我做陰道超聲波。個儀器插入時有少少唔自在，仲有d 痛，但最令人擔心，就係醫生話見唔到胎囊。。。。

有可能係宮外孕，我一聽就心裡一沉。要證實，就只有要驗血，今日驗一次，星期一再驗，睇下hcg (人類絨毛膜性腺激素) 有冇每日倍升，再判斷。醫生開左7日假紙同安胎藥比我，D藥好勁，食完好想瞓。

18-Oct-2013
  (5W)

下午4點左右去 toilet 見到啡，比5蚊銀大少少，所以打電話去診所，姑娘幫我安排明日中午12點20分去見醫生，但霍醫生放假，所以安排睇另一個男醫生

16, 17 Oct 2013

體重冇變 98.8lbs，但個肚有少少肚腩，可能因為個人要放鬆哂啦。 昨晨有想吐的感覺，今朝沒有了。

中午上洗手間發現有微微啡，之後再去就冇見到。 而個肚都有少少痛， bb 你要乖乖長大啊，mama擔心你啊！

15 Oct 2013


~ 因家姐介紹那個醫生，在網上 comments 好 cool，但手勢好好。 我本身諗住順產，所以想揾個細心d 嘅


~ 所以最後約左 j 家姐介紹那個霍醫生，打左電話去 book, 姑娘問我有冇唔舒服，我話冇，咁佢就叫我 7-8 week 先去。 因為太早照唔到野。 佢仲提我到時要飲多d 水， 膀胱有d 壓力會照得清楚d .

我好期待 11 月 5 號 第一次與小B見面





14 Oct 2013 


~ 診所驗左，收 $220, 因為由上次 m 第一日起計 (9月13日) ，所以現在已經 4 weeks 了 :)


~ 開了醫生紙，可去醫院登記了

13 Oct 2013


~ 之前 2 日都有用綠d check (m 遲了2日) , 見到好淺好淺的線，於是今日開支貴野曼秀雷敦試下，條線好深色啊！ 呢支有 99.9%準確，所以決定明日去診所check 下 :)